Online lezing door Lou Spronck euver Aajd Mestreechs

Op maondag 7 december 2020 um 19.30 oor zal de lezing vaan Lou Spronck, Aajd Mestreechs/oud Maastrichts, plaotsvinde. De lezing zal online te volge zien. In miert versjeen ’t nui book vaan Lou Spronck Van Sermoen tot Percessie (hei te bestèlle). Centraol dao-in stoon alle Mestreechse dialektekste oet de periood 1770-1840, die in drök of handsjrif bewaord zien gebleve. Ederen tek is veurzeen vaan informatie euver de cultuurhistorischen achtergroond en opmèrkinge euver taolkundeg bezunderhede.

In zien lezing zal Spronck iers kort get vertèlle euver de historie vaan ’t Nederlands en ’t Mestreechs. Ouch beliech heer de positie vaan ’t Frans in de stad in de 18e en 19e iew. Daonao geit heer deper in op ein vaan de Aajd-Mestreechse tekste die heer in zie book besprik: twie strofe oet e gediechske door Sander van der Vrecken, de primus vaan Leuve anno 1787. De taolkundege kinmèrke daovaan zien teikenend veur ‘t ’boerse’ karakter vaan de daomaolege stadstaol. Meh de melodie is nog eve fris es 233 jaor geleie en nudeg oet tot zinge.

De link um de lezing te kinne bekieke zal op maondag 7 december  te vinde zien op de website vaan ’t LGOG. Meh es geer alvas mie wèlt wete euver dit oonderwerp, luuster daan hei nao aoflievering 12 vaan d’n LGOG Podcast. Dao-in besprik Lou Spronck same mèt Lucy Willens ’n aontal Mestreechse verhaole oet Boekèt Mestreechs. De aoflievering is hei te vinde.

← Ga terug