Oorkonde Limburgse Jagers väör Veldeke Krink Ech

Aafgeloupe zóndigmiddig ónger ’t jubileumconcert bie gelaegenheid van ‘t 45 jaorig bestaon van de Veldeke Krink Ech, zörgdje vice-väörzitter Leo Hanssen van ’t Reünie Orkes Limburgse Jagers väör ’n verrassing.

Nao ’n korte, passendje toespraok äöver de óntstaonsgesjiedenis van Veldeke in Limburg en van ’t Reünie Orkes, wobie hae de culturele verbónjeheid van de Limburgse taal en de meziek aanstipdje, booj hae aan de jubilerendje Krink in de persoan van ieëre-väörzitter Ton van Wegberg ’n oorkonde aan óm dit oet te drökke.

Det woor ein van de verrassendje momènte van deze middig mit sjoane meziek en passendje väördrachte o.a. door de kènjer, die gewónne hawwe bie de ónlangs gehaoje declamatiefinales in Ech en zich “Kampioene van ’t Smaalste Stökske van Limburg” moge neume.

← Ga terug