Opweeg nao de finale van de Veldeke Declamatiewedstrijd: Emma oet Tegele
Op 25 mei aonstaond vint in d’n Hanenhof in Geleen de jaorlekse finale plaots vaan de Veldeke Declamatiewedstrijd veur lierlinge vaan de basissjaole. In versjèllende leeftiedskattegorieje strije lierlinge um de ier vaan de bèste veurdrach vaan e Limburgstaoleg gediech of kort verhaol.
In d’n aonluip nao de finale prizzentere veer de koumende daog ‘n serie fèlmkes boe-in kandidate ziech veurstèlle en vertèlle euver boerum ze mètdoen en boerum ze ‘t belaankriek vinde um Limburgs te spreke.
Gistere zaog geer hei e fèlmke vaan Nikki. Noe goon veer wiijer mèt e fèlmke euver Emma (5 jaor) oet Tegele. Geer kint dat hei bekieke: