Piepekoek, animatieserie veur de jongste Limburgers

Sinds kort höbbe Limburgse peuterkes hun eige animatieserie: Piepekoek. In korte fèlmkes vaan zoe’n 20 sekonde speule bieste de hoofrol en weurt’t bekinde späölselke ‘Kiekeboe” (piepekoek in ’t Limburgs) gespäöld. De bieste praote in versjèllende variante vaan ’t Limburgs dialek en doen dèks humoristische, typisch Limburgse oetspraoke. De fèlmkes zien te bekieke via de website vaan Piepekoek op tablet en smartphone.

Opgreuje mèt dialek liekent ummertouw minder vaanzelfsprekend te zien veur jong kinder. Tegeliekertied laote versjeie recente oonderzeuke zien tot twietaolegheid zjus positief is veur de herseoontwikkeling vaan kinder. Kinder die Limburgs én Nederlands praote blieke beveurbeeld beter te zien in spelling.

Genóg reie veur de Raod veur ’t Limburgs um kinder al joonk kinnes te laote make mèt ’t Limburgs dialek en de versjèllende klaankkleure vaan ’t Limburgs. In ing samewèrking mèt mediaburo New Narrative en ’t Hoes veur de Kunste Limburg is daorum de animatieserie Piepekoek oontwikkeld. Ouch is ’n twietaoleg Piepekoek-leed gemaak. ‘nen Echte mètzinger dee vlot zal blieve haange bij peuters en hun awwers. Beluuster dat via de website vaan Piepekoek.

← Ga terug