Platbook 18: Dinkend aon Limburg…

In ’t naojaor vaan 2017 versjijnt de 18e editie vaan Platbook, ‘ne boondel mèt literair tekste in de versjèllende Limburgse dialekte. Eder editie heet ’n ander thema en ‘nen andere bekinde Limburger es redacteur.

Dit kier is ’t thema: ‘Dinkend aon Limburg’, geïnspireerd op de bereumpde ierste regel vaan ‘t gediech ‘Herinnering aan Holland’ vaan Hendrik Marsman (1899-1940). Limburgse sjrijvers kinne tot 1 oktober eige werk insjikke veur Platbook 18. Dat kinne beveurbeeld verhaole, gediechte en columns zien; es ze mer ‘ne kiek beeje op kinmèrkende aspekte vaan Limburg.

De bijdraog maag neet mie es 600 wäörd bevatte en kin aongelieverd weure bij Oetgeverij TIC, d’n oetgever vaan Platbook, via paul@uitgeverijtic.nl. Sjrijvers vaan wee werk weurt geselecteerd, oontvaange ’n oetnudeging veur de prizzentatie vaan ’t book en e gratis exemplaar vaan Platbook 18.

Veur wee d’n teks vaan Hendrik Marsman nog ins wèlt naoleze, dee kint hei terech.

 

← Ga terug