Prizzentatie Platbook 18

Op zaoterdag 18 november 2017 weurt um 14.00 oor in kaffee De Tramhalte in Remund Platbook 18 geprizzenteerd. ’t Thema vaan dit 18e deil in de serie blomlezinge in ’t Limburgs dialek is “Dinkend aon Limburg”, gïnspireerd op ’t bereumpde gediech “Denkend aan Holland…” vaan Hendrik Marsman (1899-1940).

Redacteur Guus Urlings selecteerde 35 tekste oet ’n totaal vaan ruim negeteg inzendinge oet de ganse provincie. Dao-oonder zien sjrievers die zelf al eine of mie romans of diechboondels höbbe oetgebrach, meh ouch e paar nuikoumers. ’t Thema “Dinkend aon Limburg” löp wie ‘ne roejen draod door de versjèllende korte verhaole en gediechte in Platbook 18. Sommege auteurs sjrieve hiel nostalgische verhaole, oonderwijl andere zjus de bezunder kinmèrke vaan de provincie nao väöre hole, zoe wie vreigele, vlaoj en de melodieus taol.

← Ga terug