Prizzentatie Platbook 21: Gans Greun
Op goonsdag 12 juni aonstaonde um 19.30 oor weurt in kaffee De Tramhalte in Remund Platbook 21 geprizzenteerd. Dit 21ste deil in de rij blomlezinge in ’t Limburgs dialek steit oonder redactie vaan Ger Koopmans en Geert Gabriëls en heet es thema ‘Gans greun’. Daobij kint greun netuurlek versjèllende beteikenisse aonumme, ’n meugelekheid boe de 35 auteurs oetgebreid gebruuk vaan höbbe gemaak. In totaol sjikde bekans negeteg auteurs oet de ganse provincie werk in. Dao-oonder zien bedreve auteurs die al ‘ne gooje naom höbbe opgebouwd in de Limburgse dialekliteratuur, meh ouch versjèllende nuikoumers. ’t Waor veur ’t iers tot twie redacteure ziech aon de selectie vaan de boondel höbbe verboonde.
Député Koopmans en wethawwer Gabriëls höbbe 37 tekste oetgekoze die hun ’t mieste aonspreke, bereure ezw. Zie höbbe alle tekste drei kier doorgenome um ’n käös te kinne make. Ze höbbe lang euver die käös gesproke. Op basis vaan ’t thema, de kwaliteit en spreiding kaome zie tot 37 tekste. Daobij höbbe zie hun eige oetgaankspunte vaan ‘éine per sjrijver’ los mote laote. Allebei de hiere höbbe d’r ech werk vaan gemaak en lang dreuver naogedach um tot dees käös te koume.
Platbook 21 is evenes alle veurgaonde nómmers veur 9,90 euro te koup in versjeie Limburgse bookhandels en via de website vaan d’n oetgever www.ticshop .nl
Euver de auteurs
Platbook 21 bevat werk vaan Peter Kleuters, Toos Schoenmakers, Phil Schaeken, Ron Verhees, Maurice Hinzen, John Hertogh, Jan Titulaer, Jack Jacobs, Har Sniekers, Leonne Cramers, Karel Ruiten, Jan Feijen, Mathieu Maas, Riky Simons-Julicher, Wim Kuipers, Ton Donders, Wim Heijmans, Paul Weelen, Mien Wijnhoven, Jan Maas, Truus Verbong-Simons, Wiel Roeselers, Wim Kallen, Ton van Wegberg, Tjeu Wetzeler, Paul Caquelein, Mia van Wegberg – Kurvers, Mia Engels, Lisa Naus, Miranda Meuwisse-Vergoossen, Paul van Huet, Marleen Thijssen, Marianne Wulms – Hovens en Marij Janssen.
Euver de redacteure
Ger Koopmans oet Velde is veurmaan vaan ‘t Limburgse CDA en waor aofgeloupe periood député vaan cultuur; Geert Gabriëls vaan GreunLinks is momenteel wethawwer vaan cultuur in Weert.
Euver Platbook
Platbook is bedoeld veur Limburgse dialeksjrijvers en -lezers. De boonbdels weure oetgegeve in opdrach vaan ’t Hoes veur de Kunste Limburg in samewèrking mèt Veldeke Limburg, de Raod veur ’t Limburgs, de Stiechting Lilili, Oetgeverij TIC en initiatiefnummer Wim Kuipers. Auteurs oet de ganse provincie wèrke mèt um ederskies ’n ander thema te besjrieve in hun eige verhaole, gediechte en andersoortege tekste.