“Doorspek100 -dreej-“ besteit ouk weer oet ein hónderdtal in ‘t Venloos dialek geschreve werke. De naam Doorspek verwies nao kwante waordspeulinge en gedachte (spinsels) die d’n gedichtebundel lardere (doorspekke).

RAEJE
Vuuel gebroekde dialekwäörd zien ein “verdialekting” van Nederlandse wäörd. Door bewuster mit dialekschrieve bezig te zien wilt d’n auteur zoeëvuuel meugelik ’t juuste dialek weergaeve.As se dich bewuster wuurs van de schriefwies geis se ’t ouk baeter schrieve.

Ós Limburgse maatschappij gebroek eur dialek in ‘apps’, dialekmuziek en ónderein in de verscheie regio. Dialek is ónderdeil van ózze streekcultuur en mót blieve. De dialekte verscheie op ónderdeile van ein maar de kins d’r euveral mit terech wies euver de provincie- en landgrenze haer.

D’n auteur, Louis Tinneveld, wilt zoeë mit zien beuk beejdrage aan ‘t behald van ‘t Limburgs dialect en ‘t Venloos in ‘t bezónder.

D’n dialekbundel is vanaaf 1 december 2025 te bestellen via online webwinkel:

http://boekenbestellen.nl/boek/  (zeuk ónder Loot18)  en vanaaf 1 jannewari ouk in de bookhandels.