Sjrieve euver sjrieve in ‘t Limburgs (SesieL) Deil 15

Gojendaag – dit waert eine ei bietje angere SesieL es de vurge. Hae geit euver de meining van boetesjtäönders euver ’t Limburgs. En woveur ze dök taenge Oos Taal zien. En waat veer doon.
Noe de kwestie. Eine maondj geleje sjting eine column in de gezet mit de kop:

Aanleiding veur dae column woor ein laezing of discussie of weit ich väöl van Esther van Loo, veurzitter van de club Levende Talen Limburgs. Efkes ein verklaoring: wie kan me veurzitter van en taal zien? Verklaoring twie: ich sjrief hiej weit ich väöl, wiel de columnist zienen aanval zoe begós: Omdat ik er simpelweg niet bij was, weet ik niet of ze het met droge ogen heeft verkondigd. Hae haet de informatie dus van heure zegke, zólle v’r zegke. Neet sjterk veur ein gezet die zich nag get meint.

Limburgs lullen

Dao geit ’t mich aevel neet euver. Ich waerde giftig euver zien besjloet (= inj van de tirade). Hiej kump det: Limburgs lullen tegen mensen die een dergelijk dialect zelf niet spreken, is daarom ook bepaald geen vooruitgang, maar simpelweg kleinzielig en hoogst onfatsoenlijk. Gelijkwaardig, kom op zeg!

In plaats van het aanhoudende gemekker (nag ummer de gezetteman) over het achtergestelde Limburgs, zouden we met zijn allen beter wat meer aandacht aan het Nederlands kunnen schenken. Zodat de jeugd bijvoorbeeld ook weer weet dat ‘na’ iets anders is dan ‘naar’. Ich hauw dao eine pittige column euver gesjreve, mit d’n titel ‘Naar na.’ Of hae gesjreve veurbeeldje haet van ‘Ik ga nog niet na huis.’ Mesjiens get kienjerechtig. Meister hae haet gezag…

Altied mekkere?

Woveur ergerde ich mich dan? Neet waege det naar en na. Ouch ‘het aanhoudende gemekker over het achtergestelde Limburgs’, zaet mich neet väöl. Ao nae? Nae – det ‘in plaats van’ en ‘wij met zijn allen’  suggereren det miense die zich mit ’t Limburgs bemeuje, ummer en altied mekkere. Minstes ins in de drei maondj dach ich: woveur mekkere ze neet euver al waat euver Oos Taal gezach waert. Emes dae in ei taaltiedsjrif sjrief: ‘wie zich een appel wil eten, gaat dat maar in Duitsland doen’, dae mót ein duchtige watsj kriege.

Zeen ich bao noets. Waem mót det doon? De vereiniginge, sjtichtinge en organisaties die zich ‘t Hoes veur ’t Limburgs aangesjaf höbbe, die heurt me zelje de waerd van ‘t Limburgs verdeidige. En woveur zólle ze det mótte? Waat haet de Willy Dols Stichting mit ’t Limburgs van vandaag d’n daag vandoon? Vinjt de VLDN, de (veural Belzje) Vereniging voor Limburgse Dialect- en Naamkunde, ’t belangriek det d’r good gesjreve waert in ’t Limburgs? Woveur moge de gezet en L1 neet mitdoon in/aan/biej ’t Hoes (verlangenbestrengeling?), en de commerciële bewaarsjool MIK waal?

Nog väöl vraoge

Ich höb nag väöl van dees vraoge, mae weit neet wo biej waem ich die mót aankaarte. De gezet? Ich höb waal nag ein vraog veur uch, abonnees van Veldgewas. Feit: ’t geit zeker neet veuroet mit ’t gesjreve Limburgs. Veldgewas krieg minder en ouch minder gooj gedichter ingesjik. Wie zól det kómme? Vinjt geer neet det de faculteit Taalcultuur in Limburg van Maastricht University dao ins óngerzeuk nao mót doon?

En geer moog eur eige meining gaeve euver waat de jóngere taengehilt. Gaer zelfs. Sjikke nao veldgewas@veldeke.net.

Veer zien benuujd.

Wim Kuipers