‘t Greun Beukske van ’t Gelaens

‘t Greun Beukske van ’t Gelaens kènt vanaaf noe besjtèld waere. Ónger leiding van eindredacteur Huub Clerkx höbbe Roland Jansen, Marianne Paulissen, Anita Jetten, Edith Fokkens en Walter Buskens tweeënhawf jaor gewirk aan ‘t bekans 300 pagina’s dik bookwerk in handzaam formaat. Dao waere óngeveër 5750 weurd in behanjeld.

De naam ‘t Greun Beukske van ’t Gelaens is aafgeleid van Het Groene boekje, ein sjpellinggids veur ‘t Nederlands. SCHUG en MEG teikene gezamelik veur de oetgaaf. Bie dees  sjtichtinge en de Heemkundevereniging Geleen woort de vraog nao ‘n sjpellinggids van ‘t hedendaags “Gelaens” ummer sjterker, veural van de kantj van dialeksjrievers, carnavaliste, leedjessjrievers en anger geïnteresseerde in correct sjrieve van ‘t dialek.

Ein exemplaar kos 15 euro, bij veurinteikening mer €13,50. Besjtèlle kènt via de inteikenbón op www.schuggeleen.nl. Inteikene tot 1 november. ‘t Greun Beukske van ’t Gelaens wurt zaoterdag 14 november gepresenteerd bie Heemkundevereniging Geleen, Jupiterstraat 35a.