‘t Niej Venloos waordebook is klaor.

De raeje det ‘t blauwe Venloos Waordebook opniej is oetgegaeve, is de nieje Limburgse spelling en ‘t oprake van d’n iersten drök. De spelling is aangepas en vuuel laesteikens zien aafgeschaf wao door ‘t Venloos schrieve ‘n stök mekkeliker is gewaore. Ouk haet ’t nieje book ‘n deil Nederlands-Venloos. Noow kin idderein in umgekierde richting zeuke, wao door ouk neet- Venlonaere vuuel wäörd in ‘t Venloos dialek zich eige kinne make.  ‘t Ierste book zal waere aangebaoje aan ózze börgemeister.

Op zaoterdaag 17 december 2016 zien leje van Dialekvereiniging Veldeke Venlo begónne ‘t nieje waordebook te verkoupe beej de winkel van Bookhandel Koops aan de Klaosstraot veur de aantrekkelike pries van € 25,00. Beej aankoup van dit waordebook, kriege de kuipers d’r veur nop ‘ne dialek-gedichtebundel of ’n kindergedichte-CD beej (zoeëlang d’r veurraod is!).

 

← Ga terug