Toneelhoes LFA organiseert ’t Einakterfestival Brokstökke

Op zoondag 25 miert 2018 tröf toneelleefhöbbend Limburg ziech in de ECI Cultuurfebrik (Remund). Mer leefs twelf amateurtoneelgezèlsjappe oet gans Limburg prizzentere deze middag einakters. Vaan klöchtege kemedies tot traonetrèkkende tragedies. Bij dit festival kint edere bezeuker zien eige rót door ’t festival bepaole. Neve ’t genete vaan amateurtoneel oet eus provincie beejt Brokstökke ouch ’n bezunder gelegenheid veur theaterbeoefenere en-leefhöbbers in Limburg um ziech te treffe. Um te nètwèrke, bij te praote en ideeje op te doen veur samewèrking en touwkomstege planne. Sjoen toch! Toneelhoes LFA is de provinciaole koepelorganisatie veur amateurtoneel in Limburg. Sinds 1989 oondersteunt zie mèt raod en daod ’t amateurtoneelveld in Limburg. Mie informatie euver Toneelhoes LFA vint geer op de website vaan Toneelhoes LFA.

Deilnummers Einakters:

Toneelvereniging Crescendo (Ysselsteyn) | Speelgroep Gelre (Roermond) | A-Zuur (Venlo) Duo Amigos del Theatro (Heerlen) | Toneelvereniging Juliana (Einighausen) | Toneelgroep Habbekrats (Maasbree) | Toneelgroep Ambras (Landgraaf) | Toneelvereniging De Vrije Spelers (America) | Studententoneelvereniging Alles is Drama (Maastricht) | Dames&Heren – een ander theatergezelschap (Schimmert) | Theatergroep Stella Duce (Venlo) | Gerda Schattorjé (Baarlo).

Mer leefs 7 einakters weure in ‘t Limburgs opgeveurd:

  • Red mich neet
    Door Theatergroep Stella Duce (Venlo)
    Jos pak zien spölle, puunt zien vrouw adieu en vertrèk…… Teminste, dat waor ‘t plan…
  • Airmiles
    Door Toneelgroep Ambras (Landgraaf)
    Moojer spaort Airmiles, kilometers in de loch. Zie is teleurgestèld in häöre luie zoon, häör oppervlakkege dochter en häör oetgeblös houwelek.
  • Poespoes
    Door Toneelvereniging Crescendo (Ysselsteyn)
    Wat noe, es diech op de kat vaan d’n dochter moos passe en dao gaaroet geine zin in höbs?
  • Passage uit Avondrood (Nederlands/dialek)
    Toneelvereniging De Vrije Spelers (America)
    Bekiek de lui die hölp nudeg höbbe, die allein en veurbij hun zelfstandegheid zien. Meh allein zien ze nog zjus genóg bij zinne um dat te beseffe.
  • Benzine (Nederlands/dialek)
    Door Toneelvereniging Juliana (Einighausen)
    ‘ne Maan allein. Heer is neet vaan plan väöl oet te veure. Obbins weurt zie bestoon verstuurd door ‘n vrouw. Ze steit 5 kilometer wijerop mèt ‘ne legen tank.
  • Gelôkkig kômme de daag ein veur ein
    Door Gerda Schattorjé
    ‘n Vrouw vertèlt wat de gevolge zien vaan e kinderloes houwelek es allebei de partners hiel gere kinder wèlle. Mèt humor vertèlt ze euver wie gere tot ze nao sjoen manslui kiek.
    Blauw leech
  • Door Duo Amigos del Theatro (Heerlen)
    Dorien zwörf en Karina is ‘ne madam vaan stand. Dees twie totaal uterste rake in gesprek euver hun leve. Dao blieke väöl zake ziech te verhawwe tot ‘t gekoze paad.

Program

Einakterfestival Brokstökke löp op zoondag 25 miert vaan 13.00 tot 18.00 oor in de ECI Cultuurfebrik in Remund. Vaanaof  maondag 12 miert kint geer ’t definitief program bekieke via de website vaan Toneelhoes LFA. Oonderwijl geer ’t einakterfestival bezeuk kint geer zelf keze wat veur veurstèllinge geer wèlt bezeuke. Wel advisere veer uuch um tijdeg aonwezeg vte zien in verband mèt ’t beperkde aontal zitplaotse. Nao aanvaank avaan de veurstèlling kint geer de zaol neet mie betreie. Tickets kinne bestèld weure bij de kassa vaan de ECI Cultuurfebrik.