Toos Schoenmakers leus veur op L1 Radio

In ‘t program Plat-eweg vaan Henk Hover op L1 Radio leus eder week ‘ne Limburgstaolegen auteur veur oet eige werk. Dat zien gediechte en verhaole die ieder gepubliceerd zien in Platbook, ‘n twiejaorlekse oetgaof vaan oetgeverij TIC, in samewèrking mèt Veldeke en ‘t Hoes veur de Kunste Limburg.

Deze kier is de beurt aon Toos Schoenmakers, kortweg Toos, gebore in Posterholt meh woenechteg in Vlodrop. Ze sjrijf in de taol vaan häör geboortedörp. Ze leus twie verhäölselkes veur in de veur häör kinmerkende stij mèt observaties in het daogeleks leve. Geer kint ze hei nog ins beluustere.