Vastelaovend same

’t Is weer zoe wied: Limburg duuk drei daog oonder in de vastelaovend. Corona heet us e paar jaor in de weeg gezete meh noe kint ederein weer aon de geng. En veer weite tot ’t neet euveral fies is.

D’n oorlog in Oekraïne en de eerdbeving in Turkije en Syrie, dao kinne veer neet um eweg kieke. Veer viere vastelaovend umtot veer blij zien tot veer ’t nog zoe good höbbe en dinke daobij mèt mètleid aon al de lui die ’t mèt minder mote doen. Um ’t mèt ’n aajd Mestreechs leedsje te zègke:

Zèt dien zörg op zij en gaank oet mèt die daog
Dans en spring in ’n rij en vergeet al dien plaog
Ofste aajd of joonk bis, zingk mer allemaol
Hup Marjenneke, Pup Marjenneke, Leve de Carnaval

Mèt ander wäörd: goejt uuch dedoor!