Vastelaovends ABC Poster vaan Veldeke Krink Mestreech
In 2023 brach Veldeke Krink Mestreech ‘nen digitaole Vastelaovends ABC poster oet. Via Facebook woort in d’n aonloup nao Vastelaovend wekeleks ’n aontal lètters vaan ’t alfabet oetgeliech. Veur eder lètter koos Veldeke Krink Mestreech zorgvöldeg e Mestreechs woord met es thema Vastelaovend.
Dit woort door de Mestreechteneer zoe leuk oontvaange en online gedeild en verspreid tot dao veureg jaor de ierste peperre versie op A2 formaat is versjene.
Mèt ’t oetbringe en verspreie vaan de poster wèlt Veldeke Krink Mestreech ’t Mestreechs in gesjreve vörm op ’n ludieke meneer oonder d’n aondach bringe bij joonk, aajd en ederein dee geïntrèsseerd is in de Mestreechter Taol.
Aofhoolpunte
De poster weurt in ’n gelimiteerde oplaag oetgebrach en is vaanaof goonsdag 5 fibberwarie gratis te kriege bij oonderstaonde afhaolpunte:
- Centre Ceramique – Plein 1992
- Athos eet maakt doet – Athoslaan 12a
- Fysiotherapie Rosier – President Rooseveltlaan 170
- ’t Rommedoeke – vestiging Brusselsepoort
- Stadsherberg de Poshoorn – Stationsstraat 47
- Boekhandel Dominicanen – Dominicanerkerkstraat 1
- Fysio Mosae – Sint Annadal 20
*maximaol 2 posters per persoen en op=op.