Veer höbbe ‘ne Prins in de vereineging!

Aofgeloupe zoondag waor op de merret in Mestreech ’t benkelek momint aongebroke tot de nuie stadsprins vaan Groet Mestreech woort oetgerope. En wee kaom oonder dat maske vaandan? Carlo Schrijnemaekers oftewel de veurzitter vaan de Veldeke Krink Mestreech. Heer zal Mestreech in 2025 veurgoon in de Vastelaovend. Veer winse häöm väöl plezeer en oethawdingsvermoge.

Carlo is in ’t daogeleks leve wèrkzaom bij APG meh deit daoneve nog allerhand sociaol activiteite die neet touwvalleg dèks mèt taol te make. Zoe prizzenteert heer eder jaor ’t Groet Mestreechs Dictee en is heer lid vaan de vakjury veur ’t Mestreechs Vastelaovendsleedsje.

Tijdens de Vasteleovend krijg heer zjus wie gans Mestreech te drinke oet de plestikke bekers boevaan ’t oontwerp deze kier via ’n speciaol verkezing is oetgezeuk. De winner waor Anouk Grootjans die es motto “Vastelaovend Same” op häör bekers leet drökke.

Foto Jean Pierre Geusens