Veldeke Bels(j) Limburg viert 20-jaoreg zjubelei

Veldeke Bels(j) Limburg, de vereineging veur de besjerming en promotie vaan eus dialekte euver de grens, besteit 20 jaor.

Dat is aonleiing um aon edere geïnteresseerde ’n festiviteit aon te beeje mèt ’n staolkaart vaan alle meugeleke podiumkunste: poëzie, verhaole, sketches, meziek, veurdrach enw. Gezórg weurt veur ’n aofwisseling vaan Belsj-Limburgse dialekte.

Tössedoor vint de inauguratie plaots vaan provinciegouverneur Jos Lantmeeters tot “besjermhier vaan de Limburgse streektaol”. Dirk Reynders vaan Radio2 verzörg de prizzentatie in ’t Heusdens dialek.

Dit evenemint vint plaots op dinsdag 28 september vaanaof 16.30 oor in ’t veurmaoleg mijngebouw vaan Zolder. D’n entree is gratis.

Insjrijvinge loupe tot 20 september. Umwèlle vaan de coronaveiligheid mote veer aofslete nao 200 aonmellinge. Insjrieve kint einvoudeg door e mailke te sjikke nao: pierre.reynders@telenet.be.

Dink draon tot ’t drage vaan e moondmaske verpliech is bij ’t binnekoume. Aon taofel is dat neet mie nudeg, en veer hove geinen aofstand te hawwe.

Veur ’t program en ‘n insjrijfformuleer kint geer hei klikke.

 

 

← Ga terug