Veldeke Declamatiewedstrijd: de winners
In ‘ne volle zaol mèt belangstèllende voont op zaoterdag 25 mei 2024 in d’n Hanenhof in Gelaen de jaorlekse finale plaots vaan de Veldeke Declamatiewedstrijd veur lierlinge vaan de basissjaol. 28 kandidate strijde um de prijze en Hans Jacobs zögde es vaanaajds op ‘n löstege meneer veur de prizzentatie. Juryveurzitter Hortense Brounts maakde ‘n spannende bekindmaking vaan de winners devaan. De winners in de versjèllende kattegorieje bleke oeteindelek:
Gróp 1-2-3-4
- Luus Janssen
- Teun Wolter
- Djemke Schouwenberg
Gróp 5-6
- Inez Ermans
- Jamie Ogier
- Eliza Derijk
Gróp 7-8
- Suze Golsteijn
- Julia van Rossum
- Fenna Bijsmans
‘ne Speciaole aonmoedegingspries góng nao Emma Verlinden.
Alle winners op e rijke (foto Jos Verbong)
Veldeke vroog Maurice Ambaum um drei finaliste vaan d’n Declamatiewedstrijd in ‘t bezunder te volgen. Heer koos veur Emma, Nikki en Noor. Veuraofgaond aon de finale höb geer hun veurbereiing op de wedstrijd kinne volgen. Noe toene veer drei fèlmkes vaan hun optrejje op de buun.
- Es geer ‘t optrejje vaan Noor wèlt bekieke, daan klik geer hei.
- Es geer ‘t optrejje vaan Nikki wèlt bekieke, daan klik geer hei.
- Es geer ‘t optrejje vaan Emma wèlt bekieke, daan klik geer hei.
Ein vaan de drei kraog nog ‘ne bezundere pries. Es geer de oetspraok vaan de jury dao-euver wèlt bekieke, Klik daan hei.