Veldeke Jaorbook 2020 binnekort te kriege

’t Veldeke Jaorbook 2020 is binnekort te kriege. Dat wèlt zègke: Veldeke lede kriege ’t book nao wins in drök of digitaol touwgesjik, neet-lede kinne ’t gedrökde exemplaar bestèlle via deze website veur de pries vaan € 20,00 (exclusief versjikkoste).

2020 waor e bezunder jaor, ouch veur Veldeke. Väöl activiteite móste vaan wege corona weure aofgelas. Meh de redactie vaan ’t Jaorbook kós gelökkege gewoen häör werk doen en heet häör uterste bès gedoon um dao e sjoen bookwerk vaan te make.

Oet d’n inhaajd:

  • ’n Artikel vaan Pierre Bakkes euver de vaktaol vaan Limburgse muzikante.
  • E verslaag vaan Esther van Loo euver häör ervaringe mèt de cursus Limburgs es twiede taol in Heerle.
  • Historicus Luc Wolters verhaolt euver de cramignon in historisch perspectief.
  • E verslaag vaan Etty Willemse-Kemp oet Remund euver dialeklèsse veur basissjaol kinder.
  • Flor Aarts betoog tot ’t Mestreechs hiel stressbestendeg is.
  • Robin Velraets vraog ziech aof of ’t Limburgs nog wel besteit.
  • Daan Hovens liet zie leech sjijne euver de taolpolletiek in Limburg.

En wijer nog väöl mie intrèssante artikele en vereinegingsnuits.

’t Veldeke Jaorbook 2020 kint bestèld weure mèt dit formuleer.

← Ga terug