Veldeke Krink Ech krig BenW aan ’t kwartette

Nao ’n paar anger kringe haet noe ouch Veldeke Krink Ech zien eige kwartetspel; in ’t Echs natuurlik. De prissentatie vónj op 15 november j.l. op ’n bezunjer meneer plaats: es korte óngerbraeking van de vergadering van börgemeister en wèthaojers kreeg Veldeke de dames en hieëre aan ’t kwartette!

Teike van de positieve haojing van ’t gemèndjebestuur wat betruf de Limburgse taal en ’t dialek in Ech-Zöstere in ’t bezunjer. Vanaaf 19 november is ’t kwartetspel väör leefhöbbers en verzamelieërs te koup bie de versjillendje verkouppuntje van Veldeke Krink Ech väör 9,50 euro p.st. Informatie op de website van Krink Ech.