Veldeke Mestreech organiseert kinderspeurtoch

In ’t kader vaan ‘t “Jaor vaan de Limburgse dialekte” organiseert Veldeke Krink Mestreech ‘ne speurtoch veur kinder in Keersemessfeer. De speurtoch vertrèk op 21 december 2016 vaanoet de Spiegeltent op Magisch Mestreech op de Vriethof.

De deilnummers trèkke door de aw binnestad vaan Mestreech en mote alderhand opdrachte oetveure en vraoge beantwoorde euver wat ze tegekoume. De oetkoms daovaan lievert lètters op die same weer e woord vörme. Oonderweeg kriege de kinder nog get lekkers um te drinke en te ete.

De insjrijving waor e groet succes: bekans 200 kinder höbbe ziech ingesjreve. Gelökkeg wèrkde ’t weer ouch mèt want ’t waor heerlek winterweer, kaajd meh druug. ’t Bestuur vaan Veldeke Krink Mestreech had ziech ’n roej möts opgezat en deilde de formulere oet.

← Ga terug