Veldeke Oeuvre-Pries veur Henk Steijvers (Janse Bagge Bend)

Henk Steijvers ontvingk dit jaor de Veldeke Oeuvre-Pries van ’t Limburgs Leed. Henk Steijvers, bekint as zenger van de Janse Bagge Bend en van de groep Carboon, wuurt geierd um zien groeëte verdeenste veur de Limburgse dialekmeziek. Veldeke Venlo veurzitter Henk Buskes haet in ‘t L1-radioprogramma Plat-eweg bekind gemak det de keuze is gevalle op de in Susteren woeënechtige Henk Steijvers. De oetreiking van dees prestigieuze pries zal plaats vinde tiedens de Nach van ’t Limburgse Leed op zaoterdaag 16 september in Domani, in de Venlose binnestad. Tiedens de Nach traejt Henk Steijvers later op de aovend op met zien Janse Bagge Bend.

De Veldeke Oeuvre-Pries van ’t Limburgs Leed wuurt veur de elfde kier door Dialekvereniging Veldeke Venlo oetgereik tiedes de Nach van ’t Limburgse Leed, waomei d’r ein biezondere samewerking is tösse de vereiniging en ‘t festival. De pries wuurt idder jaor oetgereikt aan ‘n persoëen of groep met jaorelange verdeenste veur de Limburgse dialekmeziek in en boete de provincie. De winnaer krieg ein kunswerk gemak door Mariëlle Franssen en ein oerkónde.

Alle iedere winnaers:
2016 Thei & Marij
2015 Jack Vinders
2014 Um en Um
2013 Guus Smeets
2012 Nol Wassen †
2011 Ben Verdellen
2010 Sjef Diederen †
2009 Wooden Chain
2008 Hannelore Winter
2007 Jan Theelen

As geej mier wil weite euver Henk Steijvers kiek dan op de website van de Nach van ’t Limburgse leed. Vraoge of opmerkinge? Bel Henk Buskes (veurzitter VeldekeVenlo) 06-11486087. Veur vraoge euver de Nach van ’t Limburgse leed bel Neal van den Eertwegh (veurzitter) 06-42583346. Maile kin ouk: neal@limburgsleed.nl.