Veldeke op de radio

Euze veurzitter Christine van Basten woort oetgebreid geïnterviewd door Henk Hover in ’t program Plat-eweg vaan L1 Radio. De aonleiing waor tot Christine noe e jaor laank de veurzittershamer hanteert. Christine gief dat ierste jaor es rapportciefer ‘n 8,5. Aon de orde koume oondermie de bekindheid en ’t imago vaan Veldeke Limburg, de erkinning vaan ‘t Limburgs door de regering in Den Haag en de relatie tösse ’t provinciaol bestuur en de 10 lokaal kring boe Veldeke oet besteit.

Christine heet ‘t aofgeloupe jaor ‘ne roondgaank gemaak langs alle Veldekekring en heet geconstateerd tot in die kring mèt väöl leefde en passie weurt gewèrk aon ‘t bevordere vaan de Limburgse taol. Meh ouch ’t belaank vaan ’t Limburgs veur Chrstine zelf en veur de lui boe ze es börgemeister vaan Beek mèt te make heet, weurt besproke. Wee ’t interview gans wèlt beluustere kint hei klikke.

← Ga terug