Veldeke viert same mèt L1 d’n Daag vaan de Moojertaol

21 Fibberwarie vint eder jaor d’n door de Unesco oetgerope Daag vaan de Moojertaol plaots. Daomèt weurt aondach gevraog veur de regionaol taole vaan euver de ganse wereld, en dus ouch veur de Limburgse taol. Veldeke viert deen daag dit jaor same mèt L1. In de oetzending vaan Plat-eweg zal prizzentator Henk Hover bezunderen aondach besteie aon eus moojertaol.

L1 heet daorum bij alle lokaol Veldeke kring fèlmkes opgenome mèt interviews mèt Limburgstaolege artieste, muzikante en diechters, boe-op de versjèllende variante vaan de Limburgse taol te eluustere en te bekieke zien. Die fèlmkes weure ouch verspreid via de Facebook kanale vaan L1 en Veldeke. Veer trappe aof mèt ’n introductie door de veurzitter vaan Veldeke Limburg, Christine van Basten: