Veldgewas: de stum bij ’t gediech (december 2024)

Godelieve van Gemen oet Baolder sjrijf neet allein gediechte veur eus online poëziemagazine Veldgewas, meh ze leus die gediechte ouch veur. En dat deit ze op ‘n bezunder meneer. Geer kint hei häör gediech veur d’n decembernómmer vaan Veldgewas 2024 beluustere. D’n titel is “Jewieële” en ‘t geit ouch euver Keersemes. D’n teks kint geer volge door hei-oonder mèt te leze.

Jewieële

Hae trok zien winkbroewe op
en frónzde ziene sjter-kop
ging det automatisch
of waar ‘t ein gewuuënte?

De diek behäörde broewe
heelte vleegskes taenge en auch zangk
wimperhäörkes krolde van zien eige
ut liêf glóm brónzig broeën
wiej vors gevalle wil kestaanjels

Minse ginge vlassend
vur um oppe kneên
hae boekde deêp zich vur eur
hae zjweêg, en droôg, de kemieël
ein jewieël mit puuët vol haor
JAMAL

Ens kneêlde dreej kemieële
vur ein vors gebaore kink
mit ‘t teike van de leêvde
daobeej ein bölke mit häörkes
zjwart wiej antraciet, ut kiendje
ein jewieël mit berbese vutjes
JEZUS

Godelieve van Gemen
Baolder, December 2024