Veldgewas: de stum bij ‘t gediech (Miert 2026)

Sommege diechters sjikke neet allein de tekste vaan hun gediech nao Veldgewas meh spreke die ouch in, zoetot die ouch te beluustere zien. En dat lievert dèks bezunder en intiem luustermominte  op. In deze nómmer vaan Veldgewas leus Godelieve van Gemen häör gediech “WAOVEUR” veur.  Es geer op d’n audioknóp hei-oonder duit kint geer dat beluustere en d’n teks dee droonder steit mètleze.

Waoveur

Vur Sjeng

’t Greizde in den druim
de boks neet naat
chotsamme wat ’t mos

dao, achter dae pallemsjtroek
ao jao dao, dae waar d’r nag

‘t hei de bekskes nag naat
|daen druim waar waor
gewaes, vur jaore truuk

mit ein twiee dreej zes
sjmaerlep deje zeej
oetgewonne kwagke opblaoze

wiej laupe traon
neet weggesjtruimp
mit wieed te gaele plas

nao onger in den hals
en lieger midde tosse
laeggezaoge memme

In den druim zoch ich
de noow aoje men
en wos det ich

zoej gaon vraoge

aan die nag laevde

Wat vulde geej
wat vuldes do
doe’t geej det deejt
lachde kaakde wiel geej
veugelkes mertelde
nekse kwagke van moetse
onger de sjtru-poppe reet
wiel veugelkes-moders piebde.

Beej det holtere honderhok
ein kiendje sjtong.
Het hei ein sjolkse veur.

Dao kwaam hae aangevare op ziene scootmobiel.
Eine van diej doe.
Hae heel sjtil en vroog wie geit őt, maedje? Ich zach, ich doch aan dich
vannach. Waoveur deje do en diej anger jonge zoee vrieed mit biester?
Hae versjrok zich. ’t Deurde.

Ach maedje, weej krege ze bald idderen daag gerete van Pap.
Mit ein wietske det we zellef moste gaon sjnieje.

Daoveur

Godelieve van Gemen
Baolder, Miert 2026

Uit de serie Compassie