Veldgewas: geine geweune

Weer (allei) eine Veld(j)gewas. Belaof is belaof. Allein: geer krieg geine geweune Veldgewas, get waat geer seer (waat ei binneriem) 2011 gewind woor: gedichter in ’t Limburgs. Jaomer, dit waere noer get mitdeilinge. Ich bön danig in de wór. Mien gekochde apperate doon neet waat ich van ze verwach, en waat mich toegezag is.

Wie kump det?

Ich kan häör neet volge den ich sjnap ze neet. Ich bön nag ummer lierbeuk gewind – ei beukske aevel zit biej inkel apperate gaar neet mie biej. No problem zegke zie die ich bel: alles sjteit op internet.

Zeker neet. Woveur ummer nag Code Rood veur ’t Limburgs gultj, det kan ich nörges vinje. Sjrikkelik gevaor. Aevel: wie mót ich mich gedrage? Ich dink helaas det de toesjtandj van ’t Limburgs, Oos Taal, bao geine mie get kan bómme. Krek wie de toekóms van planeet Aarde.
Is det zoe? Vraog ’t de Raod veur ’t Limburgs…

Bietje begrip. De teen jaor det ich de Letterbak sjreef, höb ich zeker mier es dreihóngerd breve gekrege. Echte breve, väöl mit de handj gesjreve. De miense die sjreve höbbe dao meute veur gedaon: sjrieve, sjtökske in einen envelop gedaon, possegel d’rop, nao de brevebös gesjtiefeld. Ich dink det de meiste van die miense oet d’n tied zien, wie det allewiel geneump waert.

Allewiel heur ich bao nieks mie. Tuurlik: ich woor mien adresse van Veldgewas poter. Höb die nag neet (letterlik) op ei rieke, mae ich kan Veldgewas weer versjikke. Dao zien klachte euver…

No problem.
In de vurge Veldgewas höb ich ’t idee in de weik gelag van (intjelik weer?) ei tiedsjrif of maondjblaad. Gein echte reactie op gehad. Nou ja: good idee etc. Waat wil ich, ich knoterpot?

Aandach aandach veur Oos Taal, veural de gesjreve taal. Die taal woor vreuger in henj van de Numwaegse Uni, noe Radboud
Universiteit. Ich mein det die de zörg etc. euvergedrage höbbe aan de Raod veur ’t Limburgs, mae dao heurt nemes noets get van.
Zal dus waal good zitte.

Hoho. Ich heur: die zörg is euvergedrage aan ’t Huis voor de Kunsten. Dao zit de strktlfnctnrs (efkes puzele), dae weer veur opvolgers haet gezörg etc. Waat doon die in ’t openbaar? Moge veer det weite? Nou: dit jaor zien d’r zösteen persberichte versjik, wovan d’r veer euver kaffees gónge, drei euver meules (molens).

Zaet det get?
Moog geer zelf bekieke.
Waem wilt mich nag ei bietje mood gaeve?

Jazeker: Veldeke. Mien druimpke van ei tiedsjrif, blaad wie ze det in Drenthe höbbe, zól kónne sjtarte es óngerdeil van de site van Veldeke.
Of: ei nuuj blaad van Veldeke (sinds 1926). Zjuus: trök nao normaal, neet digitaal.

In augustus gaon v’r wiejer.

Wim Kuipers,
kuipers.wcl@home.nl 

← Ga terug