Viefde Groot Remunjse Sjeurkelender 2022 aangebaoje aan Marlou Jacobs

Op zaoterdig 10 juli 2021 is door veurzitter Henk Giesbers van Veldeke Remunj, de viefde Sjeurkelender mit sjpreuke en gezèkdes oet Herte, Neel, Remunj en Zjwame aangebaoje aan Marlou Jacobs. Marlou is ’n kleindochter van Hetty Jacobs-Wiermans. Marlou kreeg dit eerste eksemplaar aangebaoje ómdet zien ónlangs euverleje oma neet allein aan de basis van deze kelender sjtóng, maar ouch ómdet zien oma in heel get beukskes en verhäölkes mit al häör kinnes van oos Remunjs dialect ós get gans kosbaars haet naogelaote.

In deze viefde kelender sjtaon edere maondj sjoon aaj wäörd en e kienjerversje. De teikening op de ómsjlaag van de kelender is gemaak door de Remunjse kunsteneer Gerard Nizet.

De Sjeurkelender 2022 is te koup bie de Póppedokter op ’t Munsterplein, bie de Bruna Bookhanjel (vreuger de Plantage) in de Neersjtraot, bie Bookhanjel Boom in de Neersjtraot, bie Primera in Neel, bie de Kleine Tovenaar in Neel en bie Boekhanjel van Heijster in Zjwame.

Dit sjoon kedootje kos € 13,50.

 

← Ga terug