Vuuërinteîkening Woeërdeliêst van ’t Wieërtlands

Oeëze aod-vuuërzitter van Veldeke Wieërt, Jan Feijen hieët neet stilgezaete. Nao jaore verzamele, bewêrke en ordene kunne ve aankondige det de foonkelnowwe Woeërdeliêst van ’t Wieërtlands (Wieërt, Ni-jwieërt en Ospel) klaor és en in juni zal waere geprizzentieërdj.

’n Indrökwékkendj bookwêrk van bekans 600 pagina’s det vör edere Wieërtenaar onmisbaar zal bliêke. Vae gaeve uch de kâns vör vuuërinteîkening. Gae betaaltj noow € 34,50, woeë de wînkelpriês straks € 39,50 zal zeen. Vuuërinteîkene kân tot en mét Hemelvaart 18 mei.

Weej teîken ich in?

Gaotj nao de website van Veldeke Wieërt en gaeftj eur gegaeves doeër. Maaktj € 34,50 per book oeëver nao IBAN-raekening NL53RABO 0156 9143 52. Nao ontvangst van eur betaling krieje vör eder book ‘ne tegoodbon. ‘t Book kân ouch vör € 7,65 per book extra thoêsgesteurdj waere. Eur gegaeves kujje nao betaling ouch maile nao Veldeke Wieërt.