Wee wèt e sjoen Limburgs woord veur ‘ontbijt’?

De höbs vaan die wäörd dieste in ’t daogeleks leve dèkser tegekumps meh boebij totste diech aofvreugs of dao e good Limburgs woord veur besteit. Zoe woord is beveurbeeld ‘Ontbijt’. Ederein deit ’t edere mörge meh wie neumste dat este Limburgs praots? ‘Oontbiet’ huurste wel meh dat liekent miech ’n verbastering vaan ’t Hollands.

Wim Kuipers wèlt in zien rubriek Lidioom gere aondach besteie aon die vraog meh heer vroog ziech aof wie Limburgers dat in hun eige taol neume es ze ’s mörgens koffie of thee mèt ‘n boterham ete. Es geer ‘oontbiet’ zègk maag geer dat ouch gerös laote wete. Zoelang veer niks beters höbbe zal veer die bezegheid toch ‘ne naom mote geve.

Veur d’n insjikker van ‘t sjoenste antwoord heet Veldeke e sjoen book gereid ligke. En Wim Kuipers zal zoewiezoe in ein vaan de volgende aoflieveringe vaan zien rubriek aondach besteie aon ‘ontbijt’. Geer kint reagere via redactie@veldeke.net. Laat ins get vaan uuch hure!