Zjèr Bataille alias Ger Bertholet wint Käöninklike Veldeke Oeuvrepries 2026

Zjèr Bataille wint Käöninklike Veldeke Oeuvrepries 2026

Juryrapport Oeuvre-pries Käöninklike Veldeke Limburg veur Nach van ’t Limburgs Leed.

Nao ‘t verzamele van feite en deskundig beraod van de door Käöninklike Veldeke Limburg samegesjtelde  jury (Ivo Rosbeek, Cyriel Achten, Chantal van Zundert en veurzitter René Haustermanns), is me pes ‘t besjloet genomme de Oeuvre-pries 2026 oet te reike aan emes dae zien sjpaore haet verdeind bénne de Limburgstalige muziekcultuur.

Op dé eesjte plaatsj és sjriever en zénger van leidjes in ‘t Limburgs dialek en waal op ein maneer wie dat veurhaer nog niet gebroekelijk waar. Mit poëtische tekste en chanson-echtige meziek wét Ger ein leidje te brenge en de loestere mit sjleip in zien verhaol .

Ger wis in ‘t dialek kleinkuns te brenge en haet daomit väöle Limburgstalige kleinkunstenaers geïnspireerd en begeleid op hunne waeg nao de bühne. De Nach van de Kleinkunst in 2008 waar ein veurbeeld, wo väöl luuj ein kans en deskundige begeleiding krege, wovan sommige nog altied es dialek-arties optrae.

(Batailles Carnavallade, destieds graties beej ein krat Brand beer)

Es veurvechter van het behoud van de Limburgstalige meziek haet Ger de toon gezat veur ‘’t behoud én het gebroek van auw opnames van dialekartieste, die verborge zoute in het oud ROZ-archief. Mit zien Batailles Carnavallade maakde hae Limburgse muziekgeschiedenis heurbaar. Ouch de leidjes van Troubadour Herman Veugelers zeen door Ger deskundig verzameld en biejein gebrach in ein bouk.

Dit en nog väöl mee haet doon besjloete om het advies aan Käöninklike Veldeke Limburg te gaeve om de Oeuvrepries 2026 toe te kénne aan Ger Bertholet, alias Zjér Bataille.

Foto: (c) Henk Hover L1/ 2023