Veldgewas: de stem bij het gedicht

Sommige dichters zijn zo vriendelijk de tekst van hun gedicht ook in te spreken. Dat levert soms persoonlijke en aangrijpende audio-documenten op die we u als lezer niet willen onthouden. In het oktobernummer van Veldgewas gaat het om “Kartet euver Wäörd” vier gedichten van Godelieve van Gemen uit Baarlo.

U kunt haar stem beluisteren door op onderstaande knop te duwen en de tekst meelezen op deze pagina.

In de war

Klaor huur ich, verlaore in ein bed mit sjtaole sjtange, det Emes örges in de war is en det ken gaar neêt, allein gare ken in de war zien of in de knöp mesjien. Emes in de knöp is vraemp, mer wat doôn ich heej in ein kingerledikant mit um mich haer get vraemde luuj.Ein van die vraemde zaet taenge ós det hae Hans Bollebakker het. Dao gluif ich aevel gen poês van. Ach klaor, det is dae, dae zien dräödjes in de knöp haet. Dae is in de war.

Aengerste

Zeej zeên ein aengers en kake:
‘Deve zien ut, moordenaers!’
Verpeunt oêt ut niks, zjwart gemaak achternao gezaete, kepot gesjaote.
‘Zeej zien vrek en sjtaele wiej de kraone!’ zegke minse sónger zeel
‘Inspirerende aengerste,laot mich neêt allein,’
zaet ein dichteres.

Breit

Eine breie rögk rös op breie minse-vöt
paerd verdrage breie ruterbatse
ein vrouw haet eine zoon
mit ein hiel breit intresse
eine mins zaet det zien beroep
hiel hiel hiel hel breit is
‘t is um aan te zeên
de waereld wuurt inger.

Zalina

Zalina zónde in gleujend zank
Zalina waar ein Zjwaan die zjwumme kós
Zalina zanikde um ein Zoorsjtóflóchbel
Zalina zjwalkde mit Zjwienkes
Zalina zoôt in de zjweef mit Zjwallege
Zalina zóng vur Zjwezerikke
Zalige Zalina van Zjwame
Zwies in den doeëd ame.

Godelieve van Gemen, Baolder