Veldgewas: de stem bij het gedicht (juni 2025)

Sommige dichters sturen niet enkel de tekst van hun gedicht naar Veldgewas maar spreken die ook in, zodat die ook te beluisteren valt. En dat levert vaak bijzondere en intieme luistermomenten op. In dit nummer van Veldgewas leest Godelieve van Gemen haar gedicht “Ein kink in blaw”(een kind in blauw) voor. Als u op de audioknop hieronder drukt kunt u dat beluisteren en de tekst die eronder staat meelezen.

Ein kink in blaw

Gefrunseld waar drek al
det kledje van setieen dusjes
in zaoch Blawmark blaw
zoe langk wies aan de inkels
hel zjwaor vur ein mager kink
Ein sjleipke in blaw
mit ein krenske van kralle
op waerse krolle
mit sjuuf-sjpengskes vasgezatte
sjpertelde ’t krenske taenge
wies ’t krangs um kwaam te sjtaon
In ein gruzelig vuuske
klambde het ein buselke blumbkes
in ’n dukske van kank
greunsigwitte Nellekes
diej dovde nao naengelkeskroed
mit ein kentje van frivolite

****

Ein kiendje kneelde
gans wied ging aop zien mundje
Os Leef Hierke kwaam
gelag op ein tungske in raos
neet noeets mit teng d’r op biete
Zoebele moos ’t deer in blaw
-vur kleure-blinge gaelwiezoe
zien kleid neet wit waar?
wit wiej de Heilige Hostie
die nao aet-pepeer hoot te sjmake

****

De gekleurde bal waar ’t kedoo|
einen bal vur um allein
vur zien ierste Heilige Communie
Roew gekaak klonk hel
de naefkes en de breurkes
sjobde taenge zienen bal
de breurkes en de naefkes
eine gas jaor aojer as het
Dao sjtong ’t kiendje
verlaore in zien blaw
greizde songer sjtum
kos zich neet waere
taenge graof gedeuns
Zumperd! kaakde eine broor,
zellef sjoe vur zjwens van prengels,
noow de loezeheld

****

De witte gaos sjoof aan
pikde zeukend aan de zok
zokskes wit wiej hae
De sjommel waar vreej
Ingele vare umhoeg
Duvele vare umlieg
In de sjop mit klötskes
zong ‘t kink wat ’t kos
Ingelse en Hollandse liedjes
diej ‘t lierde van Treur Truujke
Truujke vreejde ens, zag zeej,
mit einen Tommy dae waar gevalle
wao hae ligk is onbekind

****

Tosse de klötskes
dreide de gaos zien köpke
gans deep in eige vaere
doe in 1952

Godelieve van Gemen, Baolder, juni ‘25

Mit zang van Gaos en Lucia vur jaore truuk