Sjrieverskrink Midde-Limburg

De Sjrieverskrink Midde-Limburg bestuit oet veertieën persoane oet Midde-Limburg die gemiddeldj zès kieër in ‘t jaor bie-einkómme in café-zaal ‘t Heukske in Sint Joas.

Hie zeen zie den op ‘ne zaoterdigmiddig tösse half twieë en half vief aan ‘t werk. De door de leje zelf gesjreve gedichte en verhaole waere väörgelaeze en bespraoke. Ederein dae ‘ns wiltj kómme loestere is van herte welkom.

Waal väöraaf effe melje bie Riky Simons-Julicher, Boekweitsdries 3, Swalmen, 0475-508101, riky@zjwame.nl. ‘t Zaelke is namelik neet zoa groat. Degene dae interesse haet óm in zien eige dialek te sjrieve en zien werk te laote bespraeke, weurtj mit plezeer opgenómme in dae krink.