Prizzentatie Platbook 22: Vrieheid
Op zaoterdag 16 november is in de HUB in Kèrkraoj Platbook 22 geprizzenteerd. ’t Thema vaan dit 22ste deil in de reeks blomlezinge in ’t Limburgs dialek is ‘Vrieheid’. In ’t jaor vaan de herdinkinge roontelum 75 jaor bevrijing is dat thema veur de hand ligkend. Ruim 80 auteurs veulde ziech gerope in te sjikke mèt mie es 100 bijdrage. 42 Auteurs mèt 44 stökker zien in de boondel terech gekoume.
Oonder groete belangstèlling naom börgemeister Petra Dassen-Housen ’t ierste exemplaar vaan ’t nui Platbook in oontvaangs. In ’t door häör zelf samegestèlde Platbook zètte auteurs oet de ganse provincie hun idee euver ‘Vrieheid’ in hunnen eige variant vaan de erkinde Limburgse streektaol op pepier.
De auteurs
Platbook 22 bevat wèrk vaan Toos Schoenmakers, Ton van Wegberg, Ron Verhees, Ton Bijsterveld, Tjeu Wetzeler, Piet Nieuwenhuizen, Mariet van Knippenberg, Els Diederen, Ed Gubbels, Jan Nieling, Annie J. van Loo, Marianne Wulms-Hovens, Ben Erkens, Jo Deusings en Jos Huysmans, John Hertogh, Annie Schreuders-Derks, Loek van de Weijer, Paul Caquelein, Jan Titulaer, Patricia Bemelen-Römer, Bob Heugen, Paul Weelen, Sjeng Strouven, Sander Schmits, Phil Schaeken, Peter Kleuters, Nicol Gurian-Senden, Mia Engels, Guus Kitzen, Wil Vergoossen, Frans Hendriks, Annie Tummers-Huppertz, Marloes Lammers-Hoekstra, Tilde Frauenrath, Yuri Michielsen, Jo van Es, Wiel Roeselers, Laurens Douven, Har Sniekers en Leonne Cramers.
Väöl debutante
De keersveerse börgemeister vaan Kèrkaoj Petra Dassen-Housen sjreef ouch de verantwoording euver häör käös en wie de tekste mèt ’t thema ‘Vrieheid’ samehaange in ‘t Kirchröätsj. Opvallend waor obbenuits ’t groet aontal debutante in deze boondel, lui die veur ’t iers in hun dialek sjreve
Platbook 22 is evenes alle veurgaonde nómmers veur € 9,90 te koup bij versjèllende Limburgse bookhandels en ouch via de webshop vaan oetgeverij TIC.
Euver Platbook
Platbook is bedoeld veur Limburgse dialeksjrijvers en -lezers. De boondels weure oetgegeve in opdrach vaan ’t Hoes veur de Kunste Limburg in samewèrking mèt Veldeke Limburg, de Raod veur ’t Limburgs, de Stiechting LiLiLi, Oetgeverij TIC en Wim Kuipers. Auteurs oet de ganse provincie wèrke mèt um ederskies ’n ander thema te besjrieve in hun eige verhaole, gediechte en andersoortege tekste. Redacteuren zien lui mèt affiniteit mèt ’t Limburgs, soms oet de polletiek, soms oet ’t cultureel veld.