Acteurs gezeuk veur fèlm dee in Limburg späölt

Michiel ten Horn is ‘ne regisseur dee zelf oet Limburg kump. Heer is veural bekind vaan de fèlm Aanmodderfakker, boemèt heer drei Gouwe Kaver wón. Michiel tref noe veurbreiinge veur ‘ne fèlm dee in Limburg späölt. Daoveur is heer op zeuk nao Limburgs sprekende manne in de leeftied tösse 50 en 80 jaor. ’t Geit um versjèllende (sprekende en neet sprekende) rolle, variërend in gruutde. Alle Limburgse dialekte zien gewins en acteerervaring is neet vereis.

Auditie

Casting buro Post Castelijn Vasting oet Amsterdam organiseert daoveur ’n ope auditie. Komp geer in heiveur in aonmèrking en liekent ’t uuch leuk um auditie te doen? Mel uuch daan aon door ‘ne mail te sjikke nao Ilse de Weerd (ilse@postcastelijn.nl) oonder vermelling vaan: naom, leeftied, woenplaots, dialek, recente foto en eventueel acteerervaring.

’t Castingburo liet uuch daan zoe gaw meugelek wete of geer in aonmèrking komp um auditie te doen. Daonao zal ouch mie informatie euver ’t projek volge. De audities vinde begin oktober plaots in Venlo.

Foto vaan Michiel Ten Horn/fotograaf Kiki Reijners

 

← Ga terug