Algemein Ledevergadering Veldeke Limburg

Op dinsdag 9 mei aonstande steit de haafjaorlekse ledevergadering vaan Veldeke Limburg weer op d’n agenda. Daan vergadere ’t provinciaol bestuur en 2 aofgevierdegde per lokaole krink euver de activiteite die recentelek höbbe plaotsgevoonde en die nog in de pieplijn zitte.

Ein vaan de zake die zeker aon de orde zal koume zien de oontwikkelinge roond ‘t Hoes veur ‘t Limburgs, ‘n initiatief vaan Veldeke en ander streektaolorganisaties boeveeur de provincie recentelek ‘n structureel subsidie heet touwgekind. En ouch zalle de activiteite roond d’n Daag vaan de Moojertaol op 21 fibberwarie geëvalueerd weure. Lei Heijenrath en Kiki Huijnen numme aofsjeid es lid vaan ‘t provinciaol bestuur.