Algemein Ledevergadering Veldeke Limburg

12 november 2019

Op 12 november aonstaonde steit de haafjaorlekse ledevergadering vaan Veldeke Limburg weer op d’n agenda. Daan vergadere ’t provincoal bestuur en 2 aofgevierdegde per lokaole krink euver de activiteite die recentelek höbbe plaotsgevoonde en die nog in de pieplijn zitte.

Ein vaan de zake die zeker aon de orde zalle koume zien de geplande activiteite in verband mèt d’n Daag vaan de Moojertaol op 21 fibberwarie 2020. Daan zalle de 10 lokaol Veldekekring e soort estafette organisere boebij de eine nao d’n andere krink ’n eige activiteit inzèt um deen Daag vaan de Moojertaol oonder de aondach te bringe.

’n Ander agendapunt zal oongetwiefeld ’t visiedocument zien wat Veldeke Limburg momenteel in samespraok mèt de kring opstèlt en wat binnekort zal weure aongebooje aon de provinciaol polletiek. Daoveur zien oondertösse tijdens drei opeinvolgende “heisessies”de nudege stappe gezat en steit ’t document op ’t punt vaan aofrunding.