Groet Mestreechs Dictee mèt André Rieu

Op zoondag 30 oktober vint nao twie jaar poos vaanwege corona weer e “Groet Mestreechs Dictee” plaots. Deilnummers kriege ‘nen teks veurgeleze in ‘t Mestreechs en doen hun bès dee zoe foutloes meugelek op te sjrieve. ‘nen Deskundege jury beoordeilt de ingelieverde sjrijfsels en bepaolt wee de winner of winneres is.

Bezunder is tot d’n teks deze kier weurt veurgeleze door André Rieu. Zien vrouw Marjorie teikende veur d’n teks. De zaol in ‘t MECC geit ope um 10.30 oor en um 11.00 oor begint ‘t dictee. Tijdens de poos vint nog e bezunder optrejje vaan ‘t Mestreechs Salon Orkes plaots. Onder leiing vaan André Rieu oeteraard.

Deilnummers kinne ziech nog aonmellen zoelang plaots is: klik daoveur op de volgende link.