André Rieu leus Groet Mestreechs Dictee veur
Vaanaof noe kint ederein ziech insjrieve veur ’t Groet Mestreechs Dictee wat op 30 oktober 2022 weurt veurgeleze door niemes minder es André Rieu. Zien vrouw Marjorie sjreef d’n teks vaan ’t dictee. ’t Dictee weurt gehawwe in ’t MECC. Door de pandemie woort dees speciaol editie 2 jaor oetgestèld meh binnekort is ’t daan ech zoe wied.
André Rieu en zien vrouw drage de Mestyreechter taol e werm hart touw en daoge daorum ouch ’n aontal prominente en bekinde Mestreechtenere oet um mèt te doen aon ’t dictee. In de poos weurt ederein getrakteerd op ’n optrejje vaan ’t Mestreechs Salon Orkes.
Nao de veurdrach vaan ’t dictee door André Rieu zal d’n teks zoewie bij eder ieder editie zörgvöldeg en in e laankzaam tempo gedicteerd weure. ‘nen Deskundege jury zal de ingelieverde tekste controlere en corrigere. De winner vaan ’t dictee krijg e pläötske in de ieregalerij en ‘nen trofee. Dao is ouch ’n meugelekheid um ‘veur de bok z’n kloete’ mèt te doen. ’n Perfekte oefening um ’t gesjreve Mestreechs te liere kinne. Dees deilnummers kinne aon ’t dictee deilnumme en mage nao aoflaop zelf corrigere.
Program 30 oktober
10:30 uur: Deure ope
11:00 uur: Start vaan ’t Groet Mestreechs Dictee mèt André Rieu
11:05 uur: Dictee
11:50 uur: Optrejje vaan ’t Mestreechs Salon Orkes
12:30 uur: Poos
12:50 uur: Naobespreking dictee
13:20 uur: Priesoetreiking
13:40 uur: Ind
Veldeke Krink Mestreech
Veldeke Krink Mestreech heet es ideaal tot ’t Mestreechs blijf leve es ’n eigetijdse, modern taol. Gesproke en gesjreve, door joonk en aajd en mèt aondach veur de spelling, stijl en grammatica. Daorum zèt Veldeke ziech mèt väöl leefde in um de lui teh enthousiasmere Mestreechs te goon en te blieve spreke, leze, sjrieve en luustere. Dat weurt oonder mie gerealiseerd door promotie make veur ‘t Mestreechs en door lui te helpe um ’t Mestreechs te liere verstoon en gebruke.
Insjrieve
Alle details en mie informatie is te vinde op de website vaan Veldeke Krink Mestreech. Insjrieve veur ’t Groet Mestreechs Dictee kint vaanaof noe via deze link.