Laezing ovver de Duitse begraafplaats in Ysselsteyn

22-05-2018 20.00 uur - Zaal Odeon án de Hoenderstraot in Venroj

Òp dinsdágaovend 22 mej zal d’n hieër Sakkers vur Veldeke Venroj ‘n laezing verzörge ovver de Duitse militaere begraafpláts ien Ysselsteyn. D’n hieër Sakkers kumt uut de preveensie Zeeland en het ’n studie gemákt van ’t begrave van gesneuvelde soldaote ien de loeëp van d’n tied ien ’t algemaen en de Duitse begraafpláts ien ’t bezoonder.

In Ysselsteyn ligge ongevaer 31.500 gesneuvelde, wat ennen onuutwisbaren iendruk mákt beej de bezukers. Verders het heej ok naosporinge gedaon ien Den Haag, Berlien en Kassel, wor de Duitse Oorlogsgravenstichting is gevestegd. Zoeë het heej allerleej wieëteswerregheeje bovve water geháld, woraover heej ok ’n boēk göt uutgaeve.

Ien de laezing göt heej diēper ien òp de áchtergroonde; worrum de Duitse begraafpláts juust ien Ysselsteyn is gekòmme, wat de meense ‘r van voonde, ’t Nederlandse en Duitse behieër, de identifikasie van gevoonde gesneuvelde en nog veul mieër. Heej het dor nie allenneg veul kennes van, már wet ’t ok nog boejend te vertelle.

De laezing wert gehâlde ien zaal Odeon án de Hoenderstraot, ánváng 20.00 uūr. Ok nie-leeje van Veldeke zien welkòm; zillie betale €3.= ântreej.

← Ga terug