Prizzentatie Platbook 19: Wie water en vuur

26-05-2018 17.00 uur - Plantage Bookhandel Remunj, Neerstraat 52-A, Remunj

Op zaoterdag 26 mei aonstaonde um 17.00 oor weurt in bookhandel Plantage Remund Platbook 19 geprizzenteerd, ‘ne boondel vaan Limburgse dialeksjrijvers oonder redactie vaan Octavie Wolters. ’t Thema vaan dit 19e deil in de serie blomlezinge in ’t Limburgs dialek is ‘Wie water en vuur’, refererend aond tegestèllinge, konflikte en de veer eleminte. Sjrijfster Octavie Wolters (Sint Odiliënberg, 1977) waor dees kier de redacteur en selecteerde 39 tekste oet de in totaal bekans negeteg inzendinge. Dao-oonder opvallend väöl poëzie in alderlei variante vaan de Limburgse streektaol. ’t Thema ‘Wie water en vuur’ löp wie ‘ne roejen draod door de bijdrage vaan zoewel beginnende es hiel ervare auteurs.

Euver platbook

Platbook is bedoeld veur Limburgse dialeksjrijvers en -lezers. De boondels weure oetgegeven in opdrach van ’t Hoes veur de Kunste Limburg in samewèrking mèt Veldeke Limburg, de Raod veur ’t Limburgs de Stiechting LiLili, oetgeverij TIC en Wim Kuipers. Auteurs oet de ganse provincie wèrke mèt um edere kier ’n ander thema te besjrieve in hun eige verhaole, gediechte en andersoortege tekste. Kiek veur mie informatie op www.hklimburg.nl/platbook.

Euver de redacteur vaan Platbook 19

Neerlandica Octavie Wolters publiceerde in 2016 häören debuutroman ‘Voorland’ (Ambo/Anthos) boe-in ze in zintuigelek, verstèld proza de leves vaan häör personages bloet lègk. Deze roman woort oondermie genomineerd veur de Sjiek Literatuurpries 2018. Ze lègk noe de lèste hand aon häöre nuie roman, e vervolg op Voorland, dee in ’t naojaor vaan 2018 versjijnt.

Euver de auteurs

Platbook 19 bevat werk vaan Sjeng Strouven, Wim Kallen, Paul Sour, Frits Roumen, Arno Kierkels, Toos Schoenmakers, Wiel Roeselers, Han Berghs, Jan Titulaer, Roos Smeets, Ton van Wegberg, Mariet van Knippenberg, Piet Nieuwenhuizen, Hugo Luijten, Jean Dewaide, Corrie Stultiens-Meusen, Han Tummers, Jean Paulssen, Karel Ruiten, Ton Bijsterveld-Claessens, Wim Heijmans, Mien Wijnhoven, Annie Tummers-Huppertz, Jo van Es, Annie van Gansewinkel, Marion Coenen, Ed Gubbels, Leonne Cramers, Vivianne Rijnders, Marleen Schmitz, Els Zeegers-Koelen, Ton in ’t Zandt, Maurice Hinzen, Mia van Wegberg-Kurvers, Marianne Wulms-Hovens en Lisa Naus.

Platbook 19 is zjus wie alle veurgaonde nómmers veur 9,90 euro te koup in versjèllende  Limburgse bookhandels en via www.ticshop.nl.

← Ga terug