Prizzentatie Veldeke Jaorbook 2018

Op goonsdag 26 juni aonstaonde weurt ’t Jaorbook euver 2018 vaan Veldeke Limburg geprizzenteerd in de ECI Cultuurfebrik in Remund. De prizzentatie begint um 19.30 oor.

’t Ierste exemplaar vaan ’t Jaorbook zal door de redactie weure aongebooje aon Els Diederen, de veurzitter vaan de Veldeke Krink Valkeberg en vaste sjrijfster vaan artikele euver volkscultureel thema’s in de jaorbeuk vaan de aofgeloupe jaore.

Ton Engels zörg veur muzikaol internezzo’s mèt Limburgstaolege meziek.

De redactie bestoont ouch dit jaor weer oet Pierre Bakkes, de veurmaolege streektaolfunctionaris, Ton van de Wijngaard, d’n huidege streektaolfunctionaris en Peter Klein, lid vaan ’t Provinciaol bestuur vaan Veldeke Limburg.

Es geer aonwezeg wèlt zien kint geer uuch aonmelle bij ’t Hoes vaan de Kunste Limburg in de persoen vaan Kristel Caris via dit e-mailadres: kcaris@hklimburg.nl.