Artikel De Limburger: De veurdeile vaan twietaolegheid

Dao waor flinke kritiek op de kopregel en d’n inhaajd vaan ’n artikel in de gezèt De Limburger euver de streektaolnota vaan de provincie. Oondermie Paul Weelen meh ouch hoeglieraar Leonie Cornips gaove te kinne tot de journalis vaan deens neet väöl begrepe had vaan de strekking vaan de nota. Daan is ’t verstendeg vaan De Limburger um ins te gaon proate mèt ein vaan de groetse criticasters en häör zelf aon ’t woord te laote. Vendaag, zaoterdag 18 augustus 2018 steit ‘n twie pagina groet artikel in de gezèt boe-in Leonie aon ’t woord kump.

In dit artikel krijg Leonie Cornips oetgebreid de gelegenheid nog ins oeterein te zètte wie dat noe zit mèt de twietaolegheid vaan Limburgse kinder, tot dat gei naodeil meh ieder e veurdeil oplievert. En tot  de Limburgse taol oonder drök kump te stoon es kinder op de peuterspeulzaole vaan jongs aof aon kriege aongelierd tot dialek minderwierdeg is aon de Nederlandse taol. En tot oet oonderzeuk bliek tot bekans dreikwaart vaan vaan de Limburgers ’t verdwijne vaan hun dialek es de groetste bedreiging vaan hun eige regionaal cultuur besjouwe. ’t Moot mer weer ins gezag en gesjreve weure.