Bompa en Bomma Pluis

Neet ederein wèt tot ein vaan de beuk vaan de gistere gestorve teikeneer Dick Bruna ouch ín ‘t Mestreechs is oetgegeve. In ‘Bompa en Bomma Pluis’ geit Nijntje op bezeuk bij zien groetawwers um boterkeukskes te ete. De Mestreechse vertaoling is vaan de hand vaan Ton van de Wijngaard, d’n huidege streektaolfunctionaris bij ’t Huis van de Kunsten voor Limburg. In Mestreech is ouch ‘ne speciaole “Winkel vaan Nijntje”  boe neet allein beuk meh ouch knuffels, kelbasse, speulgood, sjaolartikele en wat al neet mie te koup zien. Aon de Kesselskade.

Bruna is es grafisch oontwèrper  begonne mèt ’t make vaan umsleeg veur de serie Zwarte Beertjes-pocketbeukskes. Veural de kafte veur de serie euver d’n indertied legendarische detective ‘De Schaduw’ vaan Havank bringe häöm bekindheid. Meh ech wereldbereump weurt heer pas mèt zien kinderbeuk euver ’t knijnske Nijntje en zien femilie, die euver de ganse wereld vertaold zien. En dus ouch in ’t Mestreechs.

← Ga terug