Bookprizzentatie ‘Sjtepke Truk’ mèt kereljong conzèr

In Juni 2021 woort ’t book ‘Sjtepke truk’ vaan en euver Laur Rutten oetgebrach. ’t Book is oondertösse e jaor ‘oonderweeg’ en heet tot noe touw van väöl kante positief reacties gehad. Vaanwege de gelökkeg noe achter us ligkende corona maotregele is ’t evels tot noe touw nog neet devaan gekoume ’t book officieel te prizzentere. Meh noe maag ’t weer en geit ’t ouch gebäöre.

De prizzentatie vint plaots op vriedag 17 juni aonstaonde vaanaof 14.30 oor in Bookhandel Dominicane in Mestreech. D’n entree is vrij.

’t Book ‘Sjepke truk’ bliek ‘ne perfekte basis veur ’n tejaterprogram. De verhaole die in ’t book ’t fundamint zien vaan de leedsjes vörme daobij ‘ne roejen draod. Zoewel de verhaole es de bijbehurende leedsjes zalle live te hure zien.

Ederein kint getuige devaan zien es ‘Sjtepke truk Live’ veur ’t iers weurt gebrach in ’n veur väöl lui bekinde en prachtege tejatraal locatie boe väöl beuk, boe-oonder ‘Sjtepke Truk’, ’n sjoen plaots höbbe gevoonde.

Netuurlek is ’t book ter plaotse en persoenlek gesigneerd te kriege. Oeteraard zien ouch alle lui die ’t book al in bezit höbbe vaan harte oetgenudeg um ‘Sjtepke Truk’ in ’t ech, interactief en daodoor vaan kortbij te beleve.

Es bezunder touwgif späölt stadsbeiardeer Frank Steijns nao aofloup vaan de prizzentatie (um 16.30 oor) e vieftal leedsjes oet ’t book op de kereljong vaan ’t stadhoes op de merret in Mestreech.

← Ga terug