“Cohen geit plat” bie jubileum Veldeke Krink Ech

Es jubileumväörstèlling bie gelaegenheid van ’t vieërtig jaorig jubileum van  Krink is aan de leje ‘ne sjoane meziekaovendj aangebaoje op 2 juni j.l.  De sjoonste leedjes van de väörig jaor november op 82 jaorige laeftied gestórve Canadese bard en waereldster Leonard Cohen, mer den vrie hertaaldj in ‘t het Limburgs.

De meziekaovendj wo väöl leje en neet-leje (en det woor ouch de bedoeling) op aaf wore gekómme, waerdje gebrachtj door vief muzikante oet alle deile van de provincie,  gedreve door passie väör de meziek en die zoawaal solo es in diverse bands actief zeen:

Ron-Maria Buitenhuis (Roermond) – Zang/gitaar
Renee Steenvoorden (Maastricht) – zang/viool
Peter Wijnhoven (Reuver) – zang/piano/accordeon
Lisanne van Geleuken (Heythuysen) – zang/gitaar
Rien Kolkman (Venlo)  – (contra)bas

De Veldeke Krink Ech wildje mit deze oetzunjerlike aovendj van d’n eine kant ’t jubileum cachet gaeve, en van d’n angere kantj ouch aan neet-leje/belangstèllendje laote zeen wie de Limburgse taal gebroektj kan waere. Zelfs oetermate gesjiktj is, óm leedjes die lieke op gedichte, te brènge: de inhoud kömptj good äöver. Bezeukers zachte: “Ich kós de leedjes waal, maar wo ’t äöver ging noats zoa begrepe. Noe waal!” Väörbie kome op deze aovendj o.a.de in Limburgs ómgezatte songs van Cohen, wie: If it be your will, Suzanne, So long Marianne, Halleluja, Dance me tot he end of love enz.

← Ga terug