Columnis Toon Roumen wint ierste pries regionaol veurrunde Write Now!

Toon Roumen, dee sinds kort ouch maondeleks ‘ne column sjrijf veur de website vaan Veldeke Limburg, heet de regionaol veurrunde vaan de sjrieverswedstrijd Write Now! gewonne. Write Now! Is de belaankriekste sjriefwedstrijd veur jong lui in Nederland en Vlaondere. Ruim achhoonderd jong lui sjikde hunnen teks in, dee daonao woort ingedeild in 10 regionaol veurrundes. Door zienen ierste pries strijt Toon op 30 juni in de finale mèt veertien andere um d’n titel vaan algemein winner Wrtie Now! 2019.

De priesoetreiking voont plaots op maondag 13 mei in Poppodium Grenswerk. Oet ruim daarteg inzendinge koze de jurylede Lotte Lentes (auteur, juryveurzitter Nederland), Jesse Laport (sjrijver, performer) en Nienke van Leverink (redacteur) ’t verhaol vaan Toon oet tot de bèste inzending vaan dees veurrunde. De jury waor ’t unaniem eins: “Deze sjrijver is ‘ne beelddinker en hingk zien tekste op aon good gekoze visueel details die eder kier weer trök koume. Twie verhaollijne woorte vakkundeg mèt ein vervlochte, allebei eve weerdevol en sjoen mèt ein in balans.” Toon krijg noe drei weke d’n tied um ‘ne nujien teks te sjrieve veur de finale op zoondag 30 juni.

Toon sjrijf tot noe touw allein in ’t Nederlands. Veur de website vaan Veldeke weure zien columns in ’t Zittesj vaan zien woenplaots vertaold door Phil Schaeken. Toon zeuk veur zien columns veur Veldeke speciaol nao oonderwerpe die mèt de Limburgse taol of cultuur te make höbbe. De ierste twie columns vaan Toon kint geer hei trök leze. Ziene volgende column versjijnt op 20 mei aonstaonde.