D66 in Limburgs parlemint stèlt vraoge euver oetblieve nota streektaolbeleid

“Ein bietje wachte kènne ver nog waal, mer veer hawte gaer in de gate wie ‘t geit mit de betrokkenheid van Provinse @limburg en ‘t Riek bie de Limburgse sjtreektaal”.

Dat twittert Leon Vaessen, fractieveurzitter vaan D66 in ’t Limburgs parlemint. Meh dat wachte heet noe klaorbliekelek lang genóg gedoord want D66 heet schrifteleke vraoge gestèld aon député Koopmans boe dee nota streektaobeleid blijf dee veur 1 miert 2018 belaof waor.

En ’t bezundere is tot die vraoge in ’t Limburgs gestèld zien en neet in ’t Standaard Nederlands wie dat gebrukelek is bij de Provinciaol Staote. In die vraoge verwijs “Lejao Vaosse” wie heer ziech in ‘t Limburgs neump, nao de belofte die député Koopmans in november 2017 bij ’t Streektaolesymposium in Deventer heet gedoon euver ’t neerlègke vaan zien visie op de Limburgse streektaol. Die visie zouw veur 1 miert aan ’t Limburgs parlemint weure aongebooje.

Meh noe is ’t al 9 aprèl en constateert D66 tot nog altied gein spraoke is vaan ‘ne nota. Reie veur Leon Vaessen um d’n député ins aon zie jeske te trèkke. Veur de completen teks vaan de sjrifteleke vraoge vaan D66 (in ’t Limburgs wie gezag) kint geer hei terech.

← Ga terug