De avonture ván de Vleegende Pannekook & de A-gebrande kroket, Deil 2

Dit book ván Chris Winkelmolen is geschreve in ’t Horster dialekt. Dit is wál een hiël bizoonder book. Beej ieder hoëfdstuk is namelijk ’n QR-code te scanne. Ás ge die scant dá wúrdt ’t hoëfdstuk ów veurgelaeze. Dus ás ge wál dialekt kunt verstaon má ni, of ní zò good dialekt kunt laeze, kunde mejlaeze met ’t veurgelaeze verhaal. Dá kunde ok geniete ván de prachtig moëje teikeninge van Sjors Driessen. ’t Book is oeteraard wer gâns in kleur oêtgevoerd.

Net ás in ’t iërste diël speule ok nou de Boze Meneer en de keuning wer ’n belangriêke rol in ’t book. Deze kier is d’r ok nag ’n neej personage beej gekome. Namelijk de S.M.O.S, dát is de âfkorting vur de Snelle Mej Ónzichbare Schildpad. D’r ziên ván állerleise sportieve oêtdaginge want d’r wúrdt gedart, gegolfd en gevoetbald. Zelfs de neejste electrische auto oêt China keumt veurbeej. Ok de pliessie mót nag óptreije. Jao en de Boze Meneer giët óp zien eige manier boëdschappe doon.. Ge zid wál, d’r is genóg te belaeve

De bookpresentatie is op vriedag 24 september um 19.00 oor in ’t Gasthoês ván Hôrs.

Vánâf 25 september is ’t book vur € 14,99 te koëp beej de Bruna in Hôrs en Venroy en via deze website . Dao kunde ok al ves ’n book reservere.

← Ga terug